DRESS TO IMPRESS part I

Napakarami nating gusto sa buhay, aminin natin yan.

Ako, grabe, sobrang dami kong gusto..

Kaya nga mahirap akong magawi sa mga lugar na papangalanan kong TEMPTATION ISLAND..

Yung temptation island na sinasabi ko ay yung mga paborito kong puntahan like shopping malls and BMG..

Sobrang sarap magshopping di ba?

Lalo na kung marami kang pangshopping but since I am only a student hindi pa ganun karami yung pambili ko ng mga bagay na gusto..

Ngunit masasabi kong isa ako sa mga sinuwerte dahil nakakabili parin ako ng ilang mga bagay na gusto ko..

Unahin na natin ang isa sa mga kinababaliwan naming mga babae..

SHOES <3

Isa yan sa mga bagay na talaga namang kinaaadikan ko..

Ewan ko ba kung bakit malakas ang dating sakin ng KILLER HEELS marahil siguro ay sa kakapusan ko sa height.. =)

Napakahirap sa aking kalooban pag pupunta ako sa temptation island..

Una sa lahat, napakatindi ng temptation na hatid nito sa akin..

Pangalawa, imposibleng walang makapukaw ng aking atensyon..

At ang pinakamasakit ay ang pananakit ng aking BULSA.. =)

Napakahirap ko pa namang kalingain lalo na pag dalawa o higit pa yung napusuan kong sapatos..

Makailang beses ako palagi kung magtanong sa mga kaibigan ko..

"bebe, ano ba mas maganda? eto o eto?"

At ang mapagkunsinting bebe naman ay sasagot ng, "bagay pareho bebe e, ikaw?"

Hayy.. Napakahirap sa kalooban tuwing maririnig ko ang sagot niyang yun kasi syempre malay ko ba kung alin dun ang ieeliminate ko e pareho ko rin namang gusto..

Samakatuwid, ang ending ay pareho ko ring binili yung dalawang sapatos na pinamimilian ko..

Kung inyong maitatanong kung saan ako kumukuha ng pambili ay simple lang ang aking mga kasagutan diyan..

Napakaresourceful kong tao, ako yung tipo na PAG MAY GUSTO, MAY PARAAN.. <3

Naghohost ako ng iba't-ibang events tulad ng pageants, debut at kung anu-ano pa na kung saan ay mayroon akong talent fee na natatanggap..

Bukod pa don ay sa sobrang dami ng gamit ko yung iba pinagsasawaan ko na o di kaya ay hindi ko na gusto..

Sa madaling sabi ay nagga-garage sale ako sa aming lugar kung saan may utusan ako at ang trabaho ko lamang ay maghintay sa pagsasara nito pag hapon..

Ganun kasimple.. =)

Masarap mamili e..

Kaya marahil kung ako ay nakikita mo, iba-ibang sapatos ang suot ko..

Ang susunod kong blog ay tungkol naman sa mga damit na kinahihiligan ko din.. <3

"I still have my feet on the ground, I just wear better shoes."

-Oprah Winfrey-